Die INTIEM Kommunikasiekursus sal paartjies defnitief help en hulle die vaardigheid gee om te verstaan hoe twee verskillende mense saam aan 'n eenheid kan werk. As jy weet hoe om jou maat te verstaan en te aanvaar, gaan dit help met die harmonie in julle verhouding. Die groter geheel gaan soveel meer wees. 1+1 is nie meer 2 nie maar 11! Dit gaan julle help om konflik te verstaan, verander en te bestuur. Hierdie is ‘n fenominale program en ons sal dit aan enige paartjie aanbeveel wat die beste uit hulle huwelik wil kry. Onthou die gras is nie groener aan die ander kant van die draad nie. Dis groen waar jy dit natlei. En kommunikasie is die natlei in hierdie tuin.

Wat ‘n wonderlike, tot-die-punt verfrissende Kommunikasie Kursus! Relevant vir lekkerlik enige verhouding se kommunikasie!! So lekker om te weet ek is ‘n vloei-mens en my man ‘n fokus-mens!!😀 Beveel dit vir almal aan en dan is hulle nog so pittig ook! 

Ons kan Intiem se kommunikasie kursus vir elke getroude paartjie aanbeveel! (Of selfs as jy op trou staan) . Ons het veral daarvan gehou dat die videos kort en kragtig is; dit is nie langdradig en vervelig nie, maar gee genoeg inligting en die inhoud oor kommunikasie is puik (baie goed wat ons nog nie van tevore gehoor het nie) Daar is baie praktiese voorbeelde en raad wat jy maklik in jou huwelik kan toepas soos bv. om nie in verbygaan oor belangrike dinge te praat nie, maar om eerder 'n afspraak te maak om daaroor te praat. Ons het ook veral gehou van die voorbeelde wat Gustav genoem het in paartjies wat hulle al beraad het - help baie as mens daarmee kan identifiseer. Die kursus het ons opnuut laat besef hoe noodsaaklik goeie kommunikasie is in ons verhouding en ons praktiese tools gegee om in ons huwelik toe te pas. Belê in jou huwelik - dit is beslis die moeite werd!! 

Kommunikasie is een van die sterkpunte in ons huwelik, maar nogtans leer mens 'n paar slegte gewoontes oor tyd aan. Met humor en praktiese voorbeelde het Intiem Kommunikasie Kursus ons gehelp om die klein jakkalse op te spoor. Ons is opgewonde om die raad in ons verhouding toe te pas. - Kobus en Alet-Mari

Wow, wat 'n goeie en insiggewend kurses was dit nie. Beslis waardes en roetines wat ons in ons huwelik sal toepas. Ons het dit werklik geniet en kon goeie gesprekke hê rondom elke video. Dit was regtig vir ons die moeite werd en sien uit hoe ons nuut geleerde tools ons gaan help om beter en gesonder te kommunikeer.